prosperari sinit et bonos affligit, angelus Domini in
specie hominis apparens ei, dixit, "Sequere me: Deus
enim misit me ad te, ut mecum venires, et ostendem
tibi occulta ejus judicia." Et duxit eum ad domum
cujusdam boni viri, qui liberaliter et benigne receipt
eos in hospitio, omnia necessaria ministrans eis. In
mane autem furatus est angelus hospiti suo ciphum
quem valde diligebat; et valde coepit dolere heremita,
credens quod ille non esset a Deo. Alia nocte hospitati
sunt in domo cujusdam hominis nequam, qui malum
hospitium fecit eis, et eos male tractavit; cui angelus
LATIN STORIES 11
ciphum dedit quem furatus erat bono hospiti. Quod
videns heremita contristatus est valde, et malam
opinionem ab illo recepit habere. Inde igitur proce-
dentes hospitati sunt in domo cujusdam boni hominis,
qui cum magno gaudio eos recepit, et necessaria suffi-
cienter eis ministravit; in mane etiam quendam juve-
nem famulum suum concessit eis, qui eos deduceret et
ostenderet viam. Quem angelus de ponte praecipitavit
et suffocatus est in aquis. Quod videns heremita, valde
scandalizatus est et contristatus. Quarta autem nocte
quidam vir bonus optime recepit eos, et copiosa cibaria
cum vultu hilari eis exhibens, et lectos idoneos praepa-
rari fecit; sed parvulus quem solum hospes habebat
nocte flere coepit, nec sinebat eos dormire. Angelus
autem nocte surgens, puerum transgulavit. Quod
videns heremita, credidit quod esset angelus Sathanae,
et voluit discedere ab ipso. Tunc demum angelus
dixit illi, "Dominus ad hoc misit me ad te, ut osten-
derem tibi occulta ejus judicia; et scires quia nihil fit
in terra sine causa. Bonus ille homo cui ciphum
abstuli, nimis illum diligebat et curiose servabat, fre-
quenter cogitans de cipho cum cogitare deberet de
Deo; et ideo pro bono suo illi subtraxi, et illum
dedi malo hospiti, qui nos in hospitio non bene recepit,
ut mercedem suam receperet in hoc saeculo, et in alio
saeculo nullam haberet retributionem. Submersi autem
famulum illius qui tertia nocte nos libenter recepit,
quia firmaverat in animo suo quod sequenti die
dominum suum occideret, et ita bonum hospitem
nostrum a morte liberavi, et servum illum ab homicidio