XVI. De muliere superba.

AUDIVI de quadam muliere, quae vestes candidas per
terram trahebat, et vestigia post se relinquens, excitabat
pulverem usque ad altare et usque ad imaginem cruci-
fixi. Cum autem exiret de ecclesia, et caudam propter
lutum sublevaret, vidit quidam sanctus homo diabolum
ridentem, et adjuravit eum ut diceret sibi quare
rideret. Qui ait, "Quidam socius meus nunc sedebat
super caudam mulieris illius, et utebatur illa tanquam
quadriga sua; cum autem mulier caudam levaret, socius
meus a cauda excussus in lutum cecidet: et haec est
causa quare risi."