XXVIII. De Baldewino abbate.
BALDEWYNUS abbas monachus, postea
archiepiscopus,
carnes non comedit, a quo quaedam vetula quaesivit an
carnes comederet, qui respondit se carnes non comedere.
At illa, " Falsum est, domine, quia carnem meam come-
disti usque ad ossa, et sanguinem meum potasti usque
ad cor. Ecce quam macilenta sum! praepositi tui abstu-
lerunt vaccam meam, quam unicam habui, qua susten-
tabar ego et pueri mei." Cui archiepiscopus, " Faciam
tibi restitui vaccam, et cavebo mihi ab hujusmodi esu
carnium."