XLIII. De muliere ugente manus judicis.

AUDIVINI de quodam judice venali, quod cum paupercula
muliercula ab ipso jus suum obtinere non valeret, dixit
quidam mulieri, "Judex ille talis est, quod nisi manus
ejus ungantur, non obtinebis jus coram ipso." Mullier
haec verba simpliciter et ad literam intelligens, cum
sagimine porcino ad consistorium judicis accedens,
cunctis videntibus manus ejus ungere coepit. Judex
dixit, "Mulier, quid facis?" Respondit, "Domine,
dictum est mihi quod nisi manus vestras unxissem
jusitiam a vobis assequi non possem." Judex suum
confusus judicium emendavit in melius.