LXXXIX. Contra sperstitiosos.
IN partibus quibusdam vidi quod quando homines
primo obviabant sacerdotibus, statim signabant se, di-
centes quod malum omen est obviare sacerdoti. Immo
pro certo didici, quod cum in quadam villa Franciæ
multi passim morerentur, dixerunt inter se, " Non po-
teret hæc pestis mortalitatis cessare nunquam antequam
mortuum in fossa humo ponamus, presbyterumque in
eandem fossam projiciamus." Unde factum est quod dum
sacerdos ad foveam accederet ut mortuum parochianum
sepeliret, rustici simul et mulieres presbyterum sacris
vestibus indutum arripuerunt, et in foveam projecerunt.
Hæc sunt diabolicæ adinventiones et dæmonum illu-
siones.
______________