80
LATIN STORIES.
XCII. De consilio murium.
MURES inierunt consilium qualiter
a cato se præmuniri
possent, et ait quædam sapientior cæteris, "Ligetur
campana in collo cati, tunc poterimus præcavere ipsum
et audire quocunque perrexerit, et sic ejus insidias
evitare." Placuit omnibus consilium hoc, et ait una,
"Quæ igitur est inter nos tanta armata audacia, ut in
collo cati liget campanam?" Respondit una mus,
"Certe non ego!" Respondit alia, "Certe non ego
audeo pro toto mundo ipsum catum appropinquare."
______________