CXXXIII.
De sacerdotibus.
A FIDEDIGNO narrari solet, quod in villa satis nota,
cum quidam sacerdos in crepusculo rediret de focaria
sua, et audiret quandam vocem lamentabilem in quadem
domo diruta, et propinquius accederet et quæreret
quis esset qui ibi clamaret, quæsivit vox illa quis ille
esset qui quæreret. Qui respondit, "Ego sum sacerdos
quidam." Et vox cum magna admiratione clamavit
nomen sacerdotis admirando, bis vel ter replicando.
Quo quærente quare sic admirando clamaret, respondit
vox, "In tanta multitudine ad nos in infernum des-
cendunt, quod credidi quod nullus sacerdos in terra
remansisset, et ego admirando clamavi, audiens unum
in terra esse, æstimans omnes ad infernum descendisse."
_____________