APPENDIX.                         149

II. DE COLUMBIS ELEGENTIBUS SIBI REGEM.

COLUMBAE mitissimae nuper elegerunt
Milvum sibi principem, quem prius fugerunt
Hostem crudelissimum, sed poenituerunt;
Nam collis propriis stolidae juga dura dederunt.
   Qui cum super simplices vidit se regnare,
Instat multo saevius illas devorare,
Nitens poenae nomine leges simulare,
Proponit cunctas sub tali fraude necare,
   Ex hiis una judicat melius fuisse
Eas milvi rabiem priscam pertulisse,
Quam sub ejus legibus sic occubuisse,
Lugentes tali se sub pastore stetisse.

                MORALITAS

   Hic explanat principum rabiem pravorum,
Qui premunt malitia colla subditorum:
Nam dum subsunt simplices legi tyrannorum,
Lex ruit, ordo perit, virtus decrescit eorum.

                 ___________