Appendix VII. De Synodo Leporum

152 APPENDIX.

APPENDIX VII. DE SYNODO LEPORUM.

NUPER sunt ad synodum lepores vocati,
Inter se firmissima fide conjurati,
Quod, si sint de cætero quoquam perturbati,
Ad pelagi rupes fugerent mox præcipitati.
   Mox, ut terror ingruit, lepores fugerunt
Ad flumen quo turgidæ ranæ latuerunt.
Ranæ fugientium sonos audierunt,
Et se sub fluvio cogente timore tulerunt.
   Submersas lepusculi ranas ut videbant,
Nimio perterriti stupore timebant,
Unius consilio cuncti mox favebant,
Quo mox audito propriis repedare studebant.
   "En!" inquit, "ut cernitis omne quod creatur
Sub timoris legibus firme religatur;
Jam noster ad patriam redditus ducatur,
Ut quisquis nostrum sua fata libeus patiatur."

MORALITAS.

Hic nos æquanimiter monet tolerare
P&oelig;nas et angustias quas mundus volt dare:
Nam firmo proposito si stabiliare,
Nil puto perversum te firmum posse gravare.
___________